Xa o temos. O libro cos mellores relatos da 1ª edición do Concurso de Relatos Ciencia que Conta 2008: 44 contos seleccionados polo xurado recollidos nunha magnífica edición.
Se non conseguiches a edición impresa, podes consultalo ou descargalo aquí en formato pdf.
O domingo 22 de novembro, no Museo do Mar de Galiza deuse lectura á Acta do Xurado que decidiu os relatos gañadores. Podes lela aquí.
Esta é a cita: Museo do Mar de Galiza, en Alcabre (Vigo), nun marco inmellorábel, este domingo 22 de novembro a partir das 12 horas. Este é o programa:
Ás doce: Representación da obra de teatro científico “Ciencia sen palabras“, polo Grupo Roto e Descosido, logo de máis de corenta representacións por toda Galiza e norte de Portugal.
Á unha: Acto de entrega de premios do 2º Concurso de Relatos Ciencia que Conta 2009. Cunha montaxe audiovisual e a música en directo do grupo de Jazz “SoJazz“. Darase lectura á Acta do Xurado e os premiados recollerán os seus diplomas e agasallos. O relato gañador de cada categoría será dramatizado en directo.
A entrada é de balde e estades todos e todas invitados!
Xa temos os relatos de cada categoría:
Relatos PREMIADOS Categoría Educación Primaria (5)
Relatos PREMIADOS Categoría Educación Secundaria (5)
Relatos PREMIADOS Categoría Bacharelato e Ciclos de FP (3)
Relatos PREMIADOS Categoría Público Xeral (3)
Os premiados aparecen ordenados alfabeticamentepolo nome do autor ou autora.
A lectura da Acta do Xurado e a entrega de premios terá lugar o vindeiro domingo 22 de novembro a partir das 12 horas no Museo do Mar de Galiza en Alcabre (Vigo).
É moi importante que confirmedes ao correo electrónico: cienciaqueconta@uvigo.es a vosa asistencia antes do xoves 19 de novembro.
Parabéns aos premiados e ás premiadas!
O Xurado xa deliberou. Reunido onte venres 13 no Museo do Mar de Galiza, fixo unha primeira creba dos mellores relatos de cada categoría.
Relatos seleccionados Categoría Primaria
Relatos seleccionados Categoría Secundaria
Relatos seleccionados Categoría Bacharelato
Relatos seleccionados Categoría Público Xeral
Dunha segunda volta nos vindeiros días sairán os relatos premiados de cada categoría (5 de primaria, 5 de secundaria, 3 de bacharelato e 3 de público en xeral). Estade atentos e atentas!
Parabéns aos elixidos e parabéns a todos e todas os que participáchedes! O xurado decidiu que non había ningún relato malo, pero tivo que escoller os mellores.
Tictac, tictac… O tempo vai chegando ao seu remate…
O día 30 está aí! Apura os últimos retoques e envianos xa o relato a cienciaqueconta@uvigo.es.
Ah! e xa temos xurado para seleccionar os mellores relatos e decidir os gañadores e gañadores de cada categoría.
Xa está aquí!
Por fin chegou. O mes para escribir o noso relato de ciencia. Non te relaxes! O prazo remata o 30 de outubro de 2009.
Se tes dúbidas, escribe un email a: cienciaqueconta@uvigo.es
Agardamos o teu conto!!
O teatro científico é unha fórmula imaxinativa e colaborativa, buscando sempre o caracter lúdico, ameno e divertido da ciencia. Pretende achegar a ciencia ao espectador sen comunicación verbal. Neste caso só coa imaxe e os outros sentidos.
Podes ver aquí un video coa representación íntegra. Que a desfrutes!!
Aquí estamos de novo. Este ano presentamosvos o proxecto “A Ciencia Conta“.
O que aporta A Ciencia Conta:
ACCIÓN 1: “Ciencia en imaxes e palabras”
ACCIÓN 2: “Ciencia sen palabras”
ACCIÓN 3: “Ciencia que conta”
Xa podes ler ou escoitar algúns dos relatos gañadores do 1º Concurso de Relatos Ciencia que Conta. Axiña sairán publicados nun libro os 44 mellores relatos da primeira edición para que todos e todas poidamos desfrutalos.
Categoría Primaria:
“Pequerrecho e grandullón xogan coa presión“ de Manuel e Irene González López
“Ola amigos“ de Belén Arjones Fernández
“O banco do patio.“ de Martina Pérez Pérez
Categoría Secundaria:
“Coa mirada na pel“ de Andrea Gómez Estévez
“Sandra a rapaza preguntona“ de Inés Martínez García
“O quinto estado“ de Elena Guerra Dablanca
Categoría Bacharelato:
“O Principio da Principia“ de Raquel Ordóñez Tobío
“A nena medicamento“ de Sabela Estévez Moreira
“Camiñando polo horizonte“ de Patricia Álvarez Casal
Categoría Xeral:
“Os desexos de Lady Ada Byron” de Xosé Alfredo Naz Fernández
“O señor dos cons“ de Marcos Dios Almeida
“En busca do tempo perdido” de Carlos Balado Sáez de Viteri
